Нетфликс ги прекинува врските со Кевин Спејси за серијата „Кула од карти“
Стриминг сервисот Нетфликс соопшти дека ги прекинува односите со Кевин Спејси за серијата „Кула од карти“ по обвинувања кон актерот за сексуални напади.
Нетфликс објави дека повеќе нема да учествува во финансирањето на серијата „Кула од карти“, ако Кевин Спејси продолжи да глуми во неа. Компанијата ќе продолжи да работи со продуцентската куќа Ем Ар-Си, која е копродуцент на серијата, за да се процени дали таа може да биде завршена без Спејси.
Нетфликс, исто така, одбива да стримува филмот „Гор", во кој Кевин Спејси е копродуцент и ја игра улогата на писателот Гор Видал. Филмот во моментов е во пост-продукција и се очекуваше во кино салите да се појави следната година.
Во вторникот, Нетфликс соопшти дека ја замрзнува соработката на шестата и последна сезона на „Кула од карти“.
Од почетокот на неделава зачестија обвиненијата против Кевин Спејси за сексуално вознемирување или сексуални напади како во САД, така и во Велика Британија. Некои од овие обвинувања се за случаи од пред неколку децении, од кои едниот е за обид за силување на 15-годишно момче.
Спејси не е ниту уапсен ниту против него има поднесено обвиненија.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри