Нетанјаху: Израел во април ќе го укине сите епидемиолошки мерки
Израелскиот премиер Бенјамин Нетанјаху е оптимист дека во април ќе се укинат сите мерки против коронавирусот и дека земјата ќе се врати во нормала.
Наведувајќи дека повеќе од милион луѓе постари од 16 години во неговата земја не се вакцинирани против коронавирус, Нетанјаху кажа дека луѓето ширум светот чекаат вакцини, меѓутоа, во Израел, вакцините ги чекаат луѓето.
-Ние мора да го смениме тоа, рече Нетанјаху.
Израелскиот премиер ги потврди извештаите дека неговата земја испраќа вакцини во други земји, но додаде дека на тој начин не се доведува во прашање вакцинацијата на кој било израелски државјанин.
Тој објасни дека нивната цел е до крајот на март да ја завршат вакцинацијата на сите лица постари од 16 години и дека планираат до април земјата да ја вратат во нормала.
Локалните медиуми веќе јавија дека администрацијата во Тел Авив планира да испрати вакцини против Ковид-19 во повеќе од 15 земји, вклучувајќи ги Палестина, Италија, Чешка и Унгарија.
Според Министерството за здравство, првата доза од вакцината во Израел, земја со приближно 9,3 милиони жители, ја примиле 4.537.244 лица, а втората доза 3.146.509 лица.
Израелскиот Кнесет (парламент) вчера донесе закон, според кој евиденцијата на вакцинираните лица во земјата ќе биде достапна за секого.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април