Нетанјаху: Бан Ки-мун го „охрабрува тероризмот“
Израелскиот премиер Бенјамин Нетанјаху го обвини синоќа генералниот секретар на ОН, Бан Ки Мун за „охрабрување на тероризмот“.
Острата реакција на Нетанјаху доаѓа по излагањето на Бан во Советот за безбедност во Њујорк, при што тој рече дека „во човековата природа е угнетени луѓе да реагираат на окупацијата“.
Во излагањето, генералниот секретар ги осуди и нападите на Палестинците и на израелските Арапи врз голем број Израелци, што почнаа на минатата есен, но неговите коментари во кои наоѓа разбирање за палестинскиот револт предизвикаа гневна реакција на израелската Влада.
- Коментарот на генералниот секретар на ОН, претставува охрабрување на тероризмот. се вели во соопштението од кабинетот на премиерот Нетанјаху, во кое се нагласува дека „нема ниакакво оправдување за тероризмот“.
Во понеделникот една 24-годишна Израелка беше убиена со убод со нож во една од еврејските населби на Западниот брег. Тоа беше трет таков напад во изминатите десет денови.
Двајцата палестински напаѓачи подоцна беа убиени од обезбедувањето на станбениот комплекс во населбата каде беше убиена жената.
Од октомври, кога почнаа нападите со ножеви и огнено оружје врз израелски цивили, па досега, убиени се 155 Палестинци, 28 Израелци и по еден Американец и Еритреец.
Според израелската полиција, најголемиот број од убиените Палестинци се напаѓачите, додека другите се убиени во судири со безбедносните сили и во насилнички протести.
Бан Ки-мун смета дека нападите се последица на „чувството на отуѓеност и на очај“ кај младите Палестинци, што според него, е резултат на „полувековната окупација и парализата на мировниот процес“.
Премиерот Нетанјаху ги обвинува Палестинците дека работат против создавањето (палестинска) држава и тврди дека тие „не сакаат (своја) држава, туку сакаат уништување на една (туѓа) држава“, мислејќи на палестинската исламистичката организација Хамас за која се верува дека ги потикнува сегашните напади.
Ново на Сител
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија