Балкан
12. April 2021 - 13:18

Непозната направа пронајдена под автомобилот на босански министер

Непозната направа е пронајдена под автомобилот на Сојузниот министер за енергетика, рударство и индустрија на БиХ, Нермин Ѓиндиќ, пренесуваат босанските медиуми.

Оваа информација за „Аваз“ ја потврди министерот Ѓиндиќ.

Федералната полициска администрација истражува кој и зошто го поставил непознатиот уред, а овој портал добил снимки од видео надѕор.

Имено, според часовникот од камерата, непознат маж со качулка на главата и маска на лицето го поставил уредот утрово во 3.40 часот. Видеото покажува маскирано лице како се прикрадува околу возилото и под него става непознат предмет, кој ќе биде испратен на вештачење.

Откако го поставил уредот, човекот се оддалечил од местото на настанот.