Фудбал
17. November 2015 - 17:44

Немаше желба и агресивност како против Црна Гора

Лоша игра на „рисовите“ против Либан, селекција која на третото гостување во Европа ја забележа и првата победа откако претходно загуби од Малта и Ерменија. Фудбалската јавност очекуваше повеќе и секако втора победа во серија по одличната игра против Црна Гора. Разочаран од изданието на прес конференцијата по мечот беше и селекторот Игор Ангеловски:

„ Знаевме дека ќе имаме цврст и добро организиран противник, кој сигурно не е од екстра класа но не успеавме да го пробиеме.... Ќе направам анализа на двете средби и со Црна Гора и со Либан и потоа ќе работиме на поправање на играта иако мора да признам дека не чека многу тешка работа.... Имавме најмалку 20 погрешни додавања во првиот дел, продадени топка и тоа се случува во фудбалот ако имате слаб ден но факт е дека желбата и агресивноста беа далеку од натпреварот со Црна Гора...“ истакна пред новинарите Ангеловски кој по вторпат седна на клупата на нашата селекција...