Нема опасност од поплави кај Делчево
Реката Брегалница кај Делчево засега нема опасност од излевање. Како што информира Кире Цоневски, соработник за заштита и спасување во општина Делчево, реката во урбаниот опфат е во рамки на речното корито.
- Што се однесува до урбаниот опфат во Делчево, за што е надлежна општината, сите реки не го надминуваат во моментов речното корито. Ние сме во постојана приправност и координација со надлежните државни институции, како Центарот за управување со кризи, исто така и со Дирекцијата за заштита и спасување. Правиме редовна обиколка на теренот и она што можеме да го истакнеме е дека состојбата издржува, речното корито во урбаниот опфат е обезбедено, рече Цоневски.
Тој потенцираше и дека во приправност се и екипите на ЈПКД „Брегалница“ и по потреба може да се активира механизација од ова претпријатие, но и од други претпријатија во општината.
- Досега пријави од граѓани за проблеми со поплави немаме. Единствен критичен момент беше на улицата „8 Септември“ во Делчево, која е во близина на речното корито на Брегалница, но и таму водата се повлече во коритото. Нема проблеми, засега ниту со реките Габровчица и Желевица кај село Тработивиште, рече Цоневски.
И понатаму останува забраната за движење на товарни моторни возила по мостот на реката Брегалница кај село Тработивиште кој води за село Разловци, кој беше оштетен од минатогодишните поплави.
Според општина Делчево, за мостот, кој е во надлежност на Македонија пат и Агенцијата за државни патишта, се очекува во најскоро време да почне санацијата за што се обезбедени средства од донатори, изготвен е планот за негова санација, а во моментов се бира изведувач на работите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово