Неколкумина повредени во експлозија во лондонска метро-станица
Неколку лица се здобија со изгореници на лицето, при експлозија на содржина во корпа за отпадоци крај воз во лондонското Метро.
Според „Мирор“, по експлозијата, од кантата почнал да излегува непознат гас.
Би-Би-Си наведе дека полицијата соопштила оти е запозната со инцидентот на станицата „Парсонс Грин“ во западниот дел на Лондон, по што на местото на настанот се испратени голем број полицајци, како и противпожарни и амбулантни возила.
Сепак, лондонската полиција соопшти дека официјално ќе се огласат за инцидентот, кој се случи околу 8 часот, по локално време, откако ќе бидат сигурни во прецизноста на информациите.
Очевидци изјавија дека по експлозијата настанала голема паника меѓу патниците и оти неколку лица се здобиле со полесни повреди при турканицата.
Операторот на лондонското метро соопшти дека возовите на целата линија се сопрени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка