Неколку стотици демонстранти во Москва побараа оставка од Путин, 103 лица се уапсени
Неколку стотици лица синоќа протестираа во центарот на Москва против уставните реформи кои на претседателот Владимир Путин му овозможуваат да остане на власт уште 16 години, а 103 лица беа уапсени по завршувањето на протестите.
Британските медиуми, цитирајќи очевидци, наведуваат дека околу 500 демонстранти, од кои многумина носеа маски заради коронавирусот, ја побараа оставката на Путин и носеа транспаренти против реформите.
На референдумот, претходно овој месец, Русите се изјаснија за усвојување на уставните реформи што на Путин ќе му овозможат да се кандидира за уште два претседателски мандата.
Опозициските активисти велат дека референдумот беше нелегитимен и дека е време Путин, кој владее со Русија повеќе од две децении како претседател или премиер, да се повлече.
По завршувањето на протестот полицијата приведе 103 демонстранти, јавија француските медиуми.
Во руската престолнина се забранети масовни собири заради рестриктивни мерки што имаат за цел спречување на ширењето на коронавирусот. Дури и во нормални околности, за одржување протести во Москва се бара одобрение од властите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово