Неколку десетици лица добиле медицинска помош по земјотресот во Италија
Неколку десетици лица добиле медицинска помош вчера по силните потреси во централна Италија, но засега нема податоци за тешко повредени, соопшти началникот на цивилна заштита Фабрицио Курчио, пренесува БТА.
- На крајот ситуацијата не е толку катастрофална како што мислевме на почетокот, со оглед на интензитет на потресите, изјави тој на прес-конференција во Риети. - Неколкумина повредени и многу паника, објасни Курчио.
Неколку повредени лица биле пренесени со амбулантни возила во итни оддели на болници во регионот и неколку десетици луѓе заминале сами да побараат лекарска помош поради повреди или лошење.
„Сакам да им се заблагодарам на оние кои работат на дождот во погодените од земјотресот зони. Цела Италија ги прегрнува силно луѓето кои повторно настрадаа", напиша синоќа на Твитер, италијанскиот премиер Матео Ренци.
Серија земјотреси ја погодија синоќа централна Италија, уривајќи цркви и згради, иницирајќи прекин во снабдувањето со елекстрична енергија и предизвикувајќи голема паника на жителите на ова подрачје, само два месеци откако истото беше погодено од силен змејотрес, во кој загинаа речиси 300 лица.
Првиот потрес беше регистриран во 19.10 часот со интензитет од 5,4 степени по Рихетеровата скала. Вториот беше осум пати посилен, со магнитуда од 6,1 степени, соопшти американскиот Геолошки завод. Со оглед на тоа дека повеќето жители веќе биле надвор на улиците со намера под отворено небо да ја минат ноќта, два часа подоцна, кога удри вториот земјотрес, тие биле надвор од своите домови, со што веројатно се спасени многу животи, соопштија официјални лица.
Сеизмолошките служби соопштија дека првиот потрес бил регистриран со епицентар 60 километри источно од Перуџа, на длабочина од девет километри под површината на земјата, а вториот близу Вишо, на 170 километри североисточно од Рим, на длабочина од 10 километри.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово