Навреме почна гласањето во Кочани, едно избирачко место во Чешиново-Облешево не е отворено
Сите избирачки места во општина Кочани утрово се отворени и навреме почна гласањето за избор на градоначалник во вториот круг.
Од Општинската изборна комисија истакнаа дека нема поголеми задржувања на гласачите, како што беше во првиот круг, освен на одделни места каде што гласаат повозрасни граѓани.
Во општина Кочани се запишани вкупно 32 926 гласачи и 63 избирачки места, но тие ќе гласаат на 60 локации, со оглед тоа што на три места се запишани помалку од десет избирачи кои правото на глас го остваруваат во соседното најблиско избирачко место.
Во општина Чешиново-Облешево, пак, гласањето за избор на градоначалник во вториот круг почна на 12 избирачки места, а едно не е отворено по повеќе од еден час од почетокот на изборниот процес.
– На избирачкото место 887 во село Спанчево се појави проблем со базата на податоци за граѓаните кои треба да се идентификуваат преку уредот за отпечаток на прст. Поради тоа, таму сѐ уште не е почнато гласањето и најверојатно ќе има пролонгирање на постапката, истакна Виолета Јанева, претседателка на Општинската изборна комисија во Чешиново-Облешево.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри