Наскоро одлука за нов референдум за независност на Шкотска

Одлуката за распишување нов шкотски референдум за независност може да биде донесена во следните недели, изјави за глазговски Хералд, Рос Грир, пратеник на Шкотската зелена партија.

Грир изјави дека времето за потенцијален втор референдум ќе биде одреден со процесот на британско напуштање на ЕУ.

– Сега работиме на утврдување на временски рок поврзан со Член 50  и тоа е време кога ќе стане сигурно јасно дали ќе има нов референдум или не, изјави Грир. Тој беше главен во кампањата за првиот шкотски референдум од 2014 година на кој беше отфрлена независноста со разлика од десет отсто во гласовите.