Македонија
21. јуни 2016 - 8:55

Народни верувања за духовниот вторник- Еве што треба да направите денеска!

Духовден секогаш се одбележува на 50 ден по Велигден и десетиот ден по Спасовден. Духови претставуваат и „роденден“ на христијанската црква, а се нарекуваат уште и Тројца, Празник на Тројцата и Симнување на Светиот Дух врз апостолите. Во православието празникот се нарекува и Педесетница зошто се слави 50 дена по Велигден.

По значење тоа е трет празник по Велигден и Божиќ кој како и тие се слави три дена.

На денешниот Духовен вторник, подот во храмовите се покрива со трева, а покрај ѕидовите се потпираат гранки од липа или некое друго дрво, а иконите се китат со цвеќе. Овој обичај потекнува од првите христијани, кои го презеле од Евреите, кои на празникот Педесетница ги кителе своие цркви и куќи. Тоа ги потсетувалео на времето кога преку Мојсеј ги добиле Десетте божји заповеди, како и на времето на скитање низ пустината, по бегството од Мисир, зошто во пустината преживеале во колиби од гранки и лисја.

На Духови во храмот се плетат венчиња од трева кои после се носат дома и се поставуваат пред икони и кандила, а многумина ги носат во своите чанти и автомобили.