Македонија
29. August 2017 - 15:54

Нападнат полициски службеник во ПС Бит Пазар

Дваесетгодишниот Д.Н., кој бил задржан во полициската станица Бит Пазар во Скопје, физички нападнал полициски службеник удирајќи го со тупаници во пределет на стомакот и главата.

Министерството за внатрешни работи информира дека тој потоа посегнал и по неговото службено оружје. Во тој момент другиот полициски службеник се обидел да го оттргне Д.Н. при што со двете раце го турнал наназад по што полицискиот службеник паднал и со главата удрил во ѕидот.

По целосното расчистување и документирање на случајот, против напаѓачот ќе биде поднесена соодветна пријава.