-->
-->
Намирница која мора да ја имате дома - еве зотшо куркумата е добра за нашето здравје
-->
Куркума е зачин кој доаѓа од коренот на растението Куркума Лонга, кое најдобро успева во Индија и на Карипските Острови. За овој зачин се верува дека е еден од најмоќните природни лекови поради состојката куркумин што ја содржи. Куркумата веќе со илјадници години има важна улога во индиската кујна и кујните од Јужна Азија, а по сознанијата за бројните поволни дејства на здравјето е се поприсутен и во кујните на западниот свет.
Куркума и кари
Иако за многумина овој зачин звучи егзотично, нештата стануваат појасни кога куркумата ќе се поврзе со карито. Имено, кари е мешавина од околу 20 различни зачини и семки, а куркумата е една од нив и е воедно одговорна за неговата жолта боја. Освен апсолутниот адут куркуминот, куркумата содржи и низа витамини - Б6, Б3, фолна киселина, како и минерали (калиум, железо, манган) и прехранбени влакна.
На што делува
Куркуминот прв пат бил изолиран пред два века, а структурата му била одредена во 1910 година. Уште од време на Ајурведа (1900 г. пр.н.е) на куркумата и биле препишувани бројни тераписки дејства на цела низа болести. Научните истражувања од последните 50 години само ги потврдиле неговите позитивни својства и докажале дека е вистинско чудо на природата. Неговото силно антиоксидативно, противвоспалително, антивирусно, антибактериско, антимикотичко и антиканцерогено дејство го прави делотворна терапија и превенција од малигни болести, дијабетес, алергии, артритис, Алцхајмерова болест и други хронични заболувања.
15 добри причини за да ја вметнете куркумата во секојдневното мени:
- поседува антисептички и антибактериски својства, корисна е за дезинфекција на рани и изгореници;
- одлична во превенција од рак на простата, кај постоечкиот го спречува понатамошниот развој;
- го спречува растот на ракот на дојката;
- куркумата е природна превенција од меланом: кај постоечкиот ги убива клетките на ракот и го спречува неговиот понатамошен развој;
- го намалува ризикот од детска леукемија;
- го чисти црниот дроб на природен начин;
- може да го забави или спречи развојот на Алцхајмерова болест (ги уништува наталожените амилоидози во мозокот);
- спречува раст на метастази кај многу видови рак;
- природен лек против болки;
- го регулира метаболизмот и потпомага во слабеењето;
- во Кина одамна се користи како лек против депресија;
- лек против артритис и ревма;
- штити од рак на штитната жлезда;
- го забрзува зараснувањето на раните и брзо ја обновува повредената кожа;
- помага во лекувањето на псоријаза и други воспалителни болести на кожата.
-->
-->
-->
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар