Тенис
23. April 2016 - 16:14

Наместени 48 тениски мечеви

Во првите три месеци од 2016 година на 48 тениски натпревари биле забележани сомнителни уплати во обложувалниците, соопшти Единицата за интегритет во тенисот (ТИУ). Еден од тие мечеви е одигран на женскиот дел од турнирот на Австралија Опен, а останатите се одиграни во понискиот ранг (Фјучрски и челинџи).
 
ТИУ не наведува кои мечеви се сомнителни, а во истиот период минатата година биле регистрирани 31 случаи на сомнителни мечеви во тенисот.
 
Сепак, ТИУ наведува дека тоа што некој меч се истражува не значи и дека постојат докази дека тој бил наместен, туку дека врз зголемената уплата можеле да влијаат и други фактори, како физичката подготвеност или формата.
 
Од почетокот на годината одиграни биле 24.110 мечеви, што значи дека 0,2 отсто се сомнителни.