Најстудено во Берово, од утре повисоки дневни температури
Најниска температура во Македонија во седум часот изутрина, од минус шест степени, е измерена во Берово, минус три степени се регистрирани во Струмица и Демир Капија, минус два во Скопје - Петровец, Крива Паланка, Гевгелија и Штип, минус еден во Дебар и во Куманово.
Во Скопје - Зајчев рид, Тетово и Виница, нула степени, еден степен во Маврово и Прилеп, два во Дојран, Претор, Крушево, три во Битола, а во Охрид четири степени, информира Управата за хидрометеоролошки работи (УХМР).
Времето денеска ќе биде сончево со мала до умерена локална облачност и слаб северозападен ветер. Максималната температура ќе биде во интервал од 7 до 14 степени.
Во наредните денови, според УХМР, ќе продолжи периодот на стабилно и суво време, по одделни котлини со појава на утринска магла. Од утре нашето подрачје ќе потпадне под влијание на топла воздушна маса од југозапад која ќе услови висока дневната температура за овој период од годината, особено во среда и четврток.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот