Најмалку десет загинати во пожарите во Калифорнија
Најмалку 10 лица загинаа во пожарите што зафатија најмалку три, претежно лозарски, окрузи во американската сојузна држава Калифорнија.
Според локалните власти во пожарите се уништени околу 1.500 станбени и деловни објекти, а неколку илјади лица биле принудени да ги напуштат своите домови пред ширењето на огнената стихија.
Гаснењето на пожарите го отежнува силниот ветер, кој дополнително го забрзува нивното ширење.
На потегот од округот Напа, па до округот Рединг, северно од Сан Франциско, според противпожарните служби, горат 14 големи пожари, кои досега уништиле површина од над 160 километри квадратни.
Поради пожарите, гувернерот на Калифорнија, Џери Браун уште вчера прогласи вонредна состојба во окрузите Напа, Сонома и Јуба.
Отворени се повеќе центри за евакуација во кои се згрижуваат лицата што биле принудени да ги напуштат своите домови, но американските медиуми информираа дека нивните капацитети веќе се исполнети.
Во градот Санта Роса, пак, локалните власти прогласија полициски час од заоѓање до изгрев на Сонцето, како мерка за справување со провалниците, кои ги ограбуваат напуштените домови и деловни објекти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка