Најмалку 18 загинати и над 50 исчезнати во поплави и лизгање на земјиште на Филипините
Најмалку 18 лица загинаа денеска, а повеќе од 50 се водат како исчезнати во поплави и лизгање на земјиштето, предизвикани од тропската бура Тембин која го погоди јужниот дел на Филипините, јави ДПА.
Над 15.000 луѓе се евакуирани поради бурата, која ја зафати јужната област Минданао со брзина на ветрови од 90 километри на час, а на почетокот од денов достигнуваа и до 125 километри на час.
Во градот Тубод, во провинцијата Ланао дел Норте, едно земјоделско село е погодено од поплави и лизгање на земјиштето, при што се зафатени 100 куќи. Во невремето загинаа најмалку 11 лица, соопштија локалните власти.
- Повеќе од 50 жители се водат како исчезнати во селото, изјави Рој Сикуја, шеф на провинциската агенција за помош при катастрофи.
Во соседната провинција Ланао дел Сур, седум лица загинаа при поплави во три градови, додека четворица се водат како исчезнати.
Минатата недела над 50 луѓе загинаа при лизгање на земјиштето и поплави, предизвикани од тропската бура Каи-Так, која ги погоди централните делови на Филипините.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп