Наградената пијанистка Инес Неделковска примена од министерката Канческа-Милевска
По успешните настапи и награди во Њујорк, тринаесетгодишната пијанистка Инес Неделковска денеска беше примена од министерката за култура Елизабета Канческа-Милевска.
Неделковска доби прва награда во нејзината категорија на светскиот натпревар за млади таленти „American Protege“ во Њујорк и по тој повод на 18 декември настапи во престижната концертна сала „Карнеги хол“. По настапот Инес беше прогласена и за најдобар учесник на натпреварот и и беше доделена Гран-при награда од жирито.
Како што соопшти Министерството за култура, Канческа-Милевска и ја честитала првата награда нагласувајќи дека таа е потврда за големиот талент, трудољубивост и високиот професионализам на врвната пијанистичка школа на нејзината професорка Нина Костова.
- Таа додаде дека Министерството за култура ја препозна уметничката вредност што од година во година ја гради Инес Неделковска, која за неа лично многу ќе значи, а особено за државата и и посака уште многу успеси во наредниот период, соопшти Министерството за култура кое го поддржа настапот на Инес во „Карнеги хол“.
Инес Неделковска е родена во Скопје во 2003 година и е ученичка во осмо одделение во ОУ „Лазо Ангеловски“, како и во ДМБУЦ „Илија Николовски-Луј“ во Скопје. Почнала да учи пијано на шест години во класата на доц. м-р Нина Костова, која е студент на познатите професори од Русија, Људмила и Борис Романов.
Неделковска има богата концертна дејност и е добитничка на повеќе државни и меѓународни награди. Имала неколку настапи со Македонската филхармонија, и постојано ги посетува мастер-клас часовите на проф. Људмила Романова. Оваа година, покрај во Македонија, Неделковска имала успешни концертни настапи и во Загреб, Крагуевац и Белград.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка