Над 90.890 мигранти влегле во Хрватска
Хрватското Министерство за внатрешни работи соопшти дека од средината на септември до вчера во земјата влегле над 90,890 мигранти, пренесува ХРТ.
Вчера во Хрватска преку граничните премини Товарник и Бапска влегле 3.369 мигранти, а во текот на денот тие со автобуси и возови се пренесени до границата со Унгарија.
Во привремениот прифатен центар Опатовац моментално се сместени 279 мигранти. Иако бегалскиот бран во изминатите денови се намалува, низ Хрватска во просек дневно минуваат околу пет илјади мигранти.
Ситуацијата во Опатовац е стабилна. Мигрантите по пристигнувањето во центарот вршат регистрација и сите други потребни работи, а во просек се задржуваат околу три часа, по што продолжуваат кон Унгарија.
Центарот може да прими над 4.000 мигранти, а според хрватските власти засега не се разгледува можност за градење на цврсти објекти, бидејќи бранот мигранти почнува да се намалува.
Ново на Сител
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии