Над 11.200 загинати во земјотресот во Турција и во Сирија
Бројот на загинати во големиот земјотрес што ги погоди Турција и Сирија се искачи над 11.200.
Официјални лица и медицински лица соопштија дека 8.574 луѓе загинале во Турција и 2.662 во Сирија од потресот од понеделникот од 7,8 степени според Рихтер, со што вкупниот број достигна 11.236.
Турскиот претседател Реџеп Таип Ердоган денеска изјави дека имало одредени проблеми со првичниот одговор на разорните земјотреси што во понеделникот го погодија јужниот дел на земјата, но дека сега се работи подобро.
За време на посетата на провинцијата Кахраманмараш, во близина на епицентарот на земјотресот, Ердоган ги призна проблемите со патиштата и аеродромите и истакна дека ситуацијата сега е подобра.
Претседателот на Турција им порача на граѓаните исклучиво да ги слушаат информациите што ги добиваат од властите и да ги игнорираат „провокаторите“.
„Никој од нашите граѓани нема да биде оставен на улица“, рече Ердоган.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка