Набавката на вакцини за Западен Балкан една од темите на состанокот на ЕУ лидерите во четврток
Набавката на вакцини за Западен Балкан ќе биде една од темите на дискусија на лидерите на ЕУ на состанокот на 21 јануари, најавено е вчера во Брисел.
– Треба да разговараме за соработката со трети земји во врска со вакцините што треба да се третираат како глобално јавно добро. Ќе видиме како можеме да им помогнеме на нашите партнери во соседството и пошироко, рече претседателот на Европскиот совет, Шарл Мишел.
Во писмото со покана до лидерите на земјите-членки на ЕУ, пред видео-конференцијата закажана за четврток во 18 часот, Мишел наведува дека на состанокот ќе се разговара и за кампањата за вакцинација во рамките на ЕУ.
– Забрзувањето на вакцинацијата во ЕУ е наш апсолутен приоритет, вели Мишел.
Покрај расправата за набавка и дистрибуција на вакцини низ ЕУ-27 и во соседството, Мишел најавува и разговори за сертификати за вакцинација.
– Ќе разговараме за соодветноста на заедничкиот пристап кон сертифицирање, како и, доколку е потребно, околностите под кои може да се користат ваквите сертификати, рече Мишел.
Претседателот на Европскиот совет смета дека моменталната состојба со Ковид-19 во Европа бара најголемо внимание.
Покрај почетокот на вакцинацијата, тој повика да продолжат тестирањата и следењето на контактите, но и да се овозможи прекугранично движење во рамките на ЕУ.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање