Бизарно но вистинито
17. August 2015 - 11:50

На почетокот мислел дека нешто го каснало, но тоа почнало да расте

Србин отишол на болница со големи болки во вратот, а кога виделе докторите за што станува збор останале шокирани.

Србинот на вратот имал израсток, што личи на рог, со должина од 12 сантиметри и дебелина од 2,5 сантиметри.

„Сме виделе рогови на чело и за нив сме чуле. Но рог на вратот е реткост во медицината. Толку беше голем што може да влезе во Гинисовата книга на рекорди“, објасни докторот Вукоје Новак за српски портал.

Овој Србин живеел со рогот две години. На почетокот тоа бил мал израсток, па убедувајќи се себе си дека нешто го каснало, не посетил доктор. Бидејќи не можел да живее нормално, израстокот го прикривал со шал и со марами.

За среќа, иако вадењето на рогот била ризична интервенција, неговата операција завршила успешно.