Македонија
15. July 2021 - 12:51

На ГП Табановце за влез во државата се чека околу 30 минути

На граничниот премин Табановце времето на чекање за влез во државата е околу 30 минути, од македонска страна, а на останатите нема подолги задржувања за влез и излез од државата, соопштија денеска од АМСМ.

Зголемен е и интензитетот на сообраќај на патните правци надвор од градските средини.

Од АМСМ во соопштението посочуваат дека сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Регионалниот пат Р-2332 Ресен – Охрид (преку Галичица) е отворен за сообраќај. Препорака до возачите да пристапуваат внимателно на овој патен правец поради можната појава на помали одрони.