На Богородица запленети над 300 килограми марихуана
На граничниот премин Богородица притворен е грчки државјанин, кој на 28 јануари пренесувал марихуана во количина од 309,6 килограми, наменета за продажба.
Осомничениот дрогата ја пренесувал во товарно возило „сканиа“ со грчка регистарска ознака од Атина, Грција, до Вупертал, Германија. Во возилото меѓу разновидната стока осомничениот пренесувал и 95 вреќи ориз со крајна дестинација Керкаде, Холандија. Марихуаната била најдена обвиткана со стреч фолија во 75 вреќи, покрај оризот, информираат од Јавното обвинителство.
Основното јавно обвинителство Велес издало наредба за спроведување истражна постапка против осомничениот за кривично дело неовластено производство и пуштање во промет наркотични дроги, психотопни супстанции и прекурсори од чл. 215 ст.1 од Кривичниот законик.
Основниот суд Велес на осомничениот му определи притвор од триесет дена.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка