МЗТ Скопје убедливо поразен од Слобода Ужице во АБА 2
Кошаркарите на МЗТ Скопје Аеродром доживеаја убедлив пораз попладнево од Слобода Ужице од 81:67, во вториот натпревар на турнирот во Бања Лука во рамки на АБА 2 лигата.
Македонскиот првак добро го отвори натпреварот и на средина од првата четвртина имаше осум поени предност (18:10) што противникот постепено ја анулираше за израмнети 37:37 на полувреме.
Српскиот тим го отвори второто полувреме со серија од 10:3, искористувајќи го падот во играта на МЗТ Скопје за двоцифрена предност (62:49) на крајот од третата четвртина.
Последниот период од натпреварот не донесе резултатска промена за на крајот убедлив пораз од 14 поени разлика за МЗТ Скопје Аеродром.
Најефикасни во редовите на скопскиот тим беа Гравет (24 поени) и Олуџоби (19).
По шест одиграни натпревари во регионалната АБА 2 лига, кошаркарите на македонскиот првак имаат ефект од четири победи и два порази. Последниот меч на турнирот во Бања Лука тимот на Ѓорѓи Кочов ќе го одигра в недела од 21 часот против лидерот на табелата Студентски центар од Подгорица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка