МЗ: Најголемо зголемување на платите досега во здравството
– Направено е најголемо зголемување на платите во јавното здравство досега. За две години направени се рекордни зголемувања во платите на здравствените работници, а медицинските сестри првпат се вистински вреднувани и почитувани, соопшти Министерството за здравство.
Во месец септември 2018 година, на 19.123 вработени во јавно-здравствените установи им се зголеми основицата за плата за пет отсто. Во јануари 2019 година, следуваше дополнително зголемување на платите на здравствените работници, доктори, медицински сестри, болничари, техничари. пет отсто за медицинските сестри, осум отсто на медицинските сестри на клиниките и десет отсто за докторите специјалисти. Во септември 2019 година, за пет отсто е зголемена платата на администрацијата во здравството, посочуваат од Министерството.
Од февруари 2020 година, како што се истакнува, за 25 отсто се зголемуваат платите на лекарите специјалисти, а за 10 отсто на медицинските сестри. Вкупно, со сите зголемувања од 2018 година, основната плата на лекарот специјалист е зголемена за 40 отсто, а на медицинските сестри меѓу 20 отсто и 23 отсто.
Од Министерството наведуваат дека исто така зголемени се коефициентите за исплата на дежурства и ноќен труд на медицинскиот кадар, некои типови дежурства се зголемени за два до три пати, а првпат приватните специјализанти се платени за својот труд.
Вложуваме во човечкиот капитал и водиме вистинска грижа за нашите здравствени работници, тие да бидат мотивирани во својата работа и својата иднина да ја градат во нашата држава. Во комуникација со синдикатите постигнати се историски договори за вреднување на вложениот труд на медицинските сестри. Министерството за здравство и Владата ги слушаат потребите на здравствените работници и се носат одлуки со кои им се подобрува квалитетот за работа. И во наредниот период, продолжуваме со унапредување на условите за работа на сите здравствени работници во Република Северна Македонија, стои во соопштението.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово