Можно одложување на мировните преговори за Сирија
Можно е мировните преговори за Сирија да бидат одложени, а пратеникот на ОН за Сирија, Стафан де Мистура, на Советот за безбедност му пренесе дека „за две до три недели не планира нови преговори“.
Де Миструра вчера преку видеоконференциска врска пред Советот за безбедност нагласи дека прво треба да се постигне напредок во примената на прекинот на огнот и испораката на хуманитарна помош, па потоа да продолжат преговорите меѓу владата и вооружената опозиција, пренесе Танјуг.
Дипломатски извори наведуваат дека Де Мистура на СБ на ОН му напоменал дека во земјата генерално има опаѓање на нивото на судири, но дека прекинот на непријателстава од крајот на февруари на бројни места се уште официјално не е воспоставен и постои само на хартија.
Стафан де Мистура вчера на новинарите во Женева им кажа дека многу цивили ризикуваат да умрат од глад во земјата доколку хуманитарната помош брзо не стигне до нив. Посебно тој ги наведе градовите Дараја и Муадамија, во близина на Дамаск, кои се под опсада на владините сили, како и Кефраја и Фуау, кои, пак, под опсада ги држат опозициските сили.
Завојуваните страни досега оддржаа две рунди индиректни мировни преговори во Женева под патронат на ОН. Последната беше во април и беше прекината по повлекувањето на делегацијата на бунтовниците.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација