-->
-->
Мото ГП: Лоренцо најбрз во Арагон
-->
Возачот на Јамаха, Хорхе Лоренцо, победи на Големата награда на Арагон, 14-та трка во кралската класа во Мото ГП првенството. Шпанецот на патеката „Моторленд“ ја забележа 60-та победа во кариерата и ја намали предноста на клупскиот колега Валентино Роси во генералниот пласман на 14 бодови.
Трката за Големата награда на Арагон донесе многу возбудувања уште од самиот почеток, Лоренцо на почетокот се проби на челната позиција. Во раната фаза од патеката излета Марк Маркез, што е четврто откажување за актуелниот првак оваа сезона, со кое ги загуби и теоретските шанси за одбрана на титулата.
До крајот Лоренцо со сигурно возење ја сочува првата позиција, додека за второто место голема борба водеа Дани Педроса (Репсол Хонда) и Роси. Шпанецот во последните пет кругови одби неколку напади на Роси, а во претпоследниот круг за малку ќе го исфрлеше од паетката својот ривал.
На крајот победи Лоренцо, а покрај него на победничкиот пиедестал се најдоа Педроса и Роси.
Најдобрите тројца ги следеа возачите на Дукати Андреа Јаноне и Андреа Довициозо, потоа Алеш Еспаргаро и Кал Крачлоу на ЛЦР Хонда. Најдобрите десет во Арагон ги комплетираа возачите на Јамаха Тех 3, Смит и Еспаргаро, односно Ернандес од Прамак Дукати.
Мото ГП шампионатот ќе продолжи на 11.октомври со трката за Големата награда на Јапонија.
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари