Могерини: Црна Гора како дел од НАТО ќе придонесе за стабилност на регионот
Црна Гора е доверлив партнер на Европската унија, а пристапувањето на земјата во НАТО дополнително ќе придонесе за стабилноста на регионот, изјави високата претставничка на ЕУ за надворешна политика и безбедност, Федерика Могерини на состанок со црногорскиот премиер Мило Ѓукановиќ.
Тие на средбата во Брисел нагласија дека европската интеграција е заедничка одговорност на сите политички сили во земјата.
- Могерини укажа дека ЕУ ја цени целосната усогласеност на политиката на Црна Гора со сите надворешнополитички позиции на ЕУ и го охрабри претседателот на Владата да продолжи со истите напори. Пристапувањето на Црна Гора во НАТО дополнително ќе придонесе за стабилноста на регионот, соопшти делегацијата на ЕУ во Црна Гора.
На состанокот станало збор и за политичкиот дијалог меѓу власта и опозицијата во Црна Гора и тие се согласиле дека процесот на европска интерграција е заедничка одговорност на сите политички сили во земјата и оти бара континуирани напори.
Ѓукановиќ нагласи дека за време на дводневната посета на Брисел имал мошне квалитетни разговори со највисоките европски функционери.
- Сите разговори беа одличка прилика оваа година на јубилејот на десет години независност, на некој начин да рекапитулираме што Црна Гори сторила на планот на модернизација на општеството и достигнување на стандардите на европската и евроатлантската заедница, рече Ѓукановиќ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово