МО почна со исплата на јубилејната награда на вработените
Министерството за одбрана ќе им исплати јубилејна награда на 1.800 вработени во МО и АРМ кои согласно Колективниот договор ги исполнуваат условите за тоа.
Од Министерството за одбрана информираат дека исплатата е започната, а ќе биде завршена кон сите во период од триесетина дена.
Потенцираат дека со ваквата одлука вработените ќе го остварат своето право согласно Колективниот договор, без потреба да се покренуваат судски постапки и ќе се спречи дополнителна штета на буџетот на МО.
Со Колективниот договор Министерството презело обврска на вработените во МО и АРМ за непрекината работа во ефективно траење од 15 години да им се доделува јубилејна награда во висина на една просечна плата, но таа обврска не била исполнета и парите не биле исплатувани.
Тоа било причина 700 вработени што ги исполнуваат условите за добивање на јубилејна награда, да го тужат Министерството, а за околу 200 тужби е пресудено во корист на тужителите.
Според Министерството, со одлуката покрај исполнување на обврската, се спречува и натамошно трошење пари од буџетот за судски трошоци и трошоци на адвокатите и извршителите кои изнесуваат околу 30.000 денари по предмет.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка