МИОА ги отфрли како неточни тврдењата на КСС за јавната администрација

Министерството за информатичко општество и администрација (МИОА) ги отфрли како неточни денешните тврдења на Конфедерацијата на слободни синдикати за јавната администрација.

Во соопштението, МИОА наведува дека вработените во јавната администрација не одат на работа, туку работат од дома веќе втор месец согласно препораките за справување со коронавирусот и нивните плати се непроменети од пред кризата.

– Единствено, со уредба со законска сила Владата одлучи, избраните и именувани лица како знак на солидарност да земаат минимална плата. По одлуката на Уставниот суд, најголем дел од нив сепак се одлучија платата да ја донираат во фондот наменет за справување со Ковид-19, велат од МИОА.

Оттаму апелираат до КСС да престане со ширење на дезинформации, особено во вонредни услови бидејќи на тој начин не му помагаат на никој, а особено не на вработените во јавната администрација.