Министерството за правда на Јужна Кореја воведе забрана за патување во странство на претседателот Јун Сук-Јол
Јужнокорејското Министерство за правда воведе забрана за патување во странство на претседателот Јун Сук-Јол во рамки на истрагата поврзана со минатонеделното прогласување воена состојба во државата.
Јужнокорејската полиција, обвинителството и Агенцијата за борба против корупцијата побараа воведување забрана, во момент кога се проширува истрагата за покренување евентуални обвиненија за бунт во врска со воведувањето воена состојба од Јун минатата недела.
Претставник на Министерството за правда денеска соопшти дека забраната е веќе издадена.
Наредбата за воена состојба што претседателот ја издаде минатиот вторник доведе до распоредување единици на специјални сили на улиците на Сеул, ја втурна Јужна Кореја во политички превирања и ја зголеми загриженоста кај нејзините клучни дипломатски партнери и соседи.
Јун Сук-Јол завчера избегна изгласување импичмент на барање на опозицијата, откако повеќето пратеници од владејачката партија го бојкотираа парламентарното гласање. Но, опозициските партии ветија дека ќе поднесат нова иницијатива за импичмент против него оваа недела.
Ново на Сител
-
Охрид: Потребна е засилена контрола на она што се гради
-
Преглед на вестите од свет
-
30 години Сител со Игор Филевски - Топки
-
30 годишни Сител со сопругата на Драган Вучиќ - Весна Вучиќ
-
30 години Сител со Снеже Велков
-
30 години Сител со Ирена Петкова - Бонго Бокс
-
30 години Сител со Тошо Филиповски - Досие
-
30 години Сител со Миа Костова, Мартин Трпчевски и Билјана Максимовска - 99 Action