Министерот Спасовски во посета на СВР-Битола
Министерот за внатрешни работи Оливер Спасовски денеска го посети Секторот за внатрешни работи -Битола, каде од првите луѓе беше информиран за безбедносната состојба во Битола, Прилеп и останатите делови од надлежност на СВР-Битола.
Според Спасовски основната задача е да се обезбеди мирен, предизборен период, изборен ден и пост изборен период, односно полицијата мора да биде сервис на граѓаните, а не на политичарите или политичките партии.
- Сите треба да постапуваат крајно професионално и во интерес на граѓаните, а политиката да ја остават на политичарите. Притоа најстрого ќе биде казнет секој полицаец што ќе учествува во предизборна кампања на било која политичка партија. Таков случај регистриравме во Струга и на други места за кои преземаме мерки. Полицијата мора да биде сервис на граѓаните, а не на политичарите или политичките партии, изјави Спасовски по средбата со раководството на СВР-Битола.
На средбата со новинарите во Битола, министерот Спасовски изјави дека во Прилеп е регистриран и пријавен случај на давање поткуп за политички цели.
- Двајца граѓани на Прилеп пријавија дека претставик на политичка партија понудил соодветна сума поткуп за изборите. Направена е кривична пријава против еден сторител, известен е јавниот обвинител и се преземаат мерки за откривање на овој случај. Апелирам до политичките партии кампањите да ги водат на ниво на програми и концепти и без злоупотреби. Апелирам до граѓаните доколку забележат случај на злоупотреба од било кој политички субјект тоа веднаш да го пријават во полициска станица и да соработуваат со МВР, посочи Спасовски.
Ново на Сител
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија