Мицкоски: Работниците заслужуваат подобро
Лидерот на ВМРО-ДПМНЕ Христијан Мицкоски во денешната честитка по повод 1 Мај - Меѓународниот ден на трудот посочува дека унапредувањето на правата на работниците е константен процес во кој клучна улога има владата на една земја.
- Денес состојбата со работничките права во државава е загрижувачка. Има сериозни информации за непочитување на минималната плата. Недоволно платениот труд исто така преставува проблем кој ги засега работниците. Наспроти ветувањата за зголемување, просечната плата опаѓа, а најсериозно загрозени се земјоделието, рударството и транспортот. Платата не ја покрива потрошувачката кошница на едно семејство, вели Мицкоски.
Лошите условите за работа и мобингот на работните места, како што додава, преставуваат сериозен предизвик кој треба да се решаваат.
- Алармантно е што и покрај ветувањата пред неполна година дека ќе се најде излез се уште нема решение за вработените во Еврокомпозит од Прилеп и Колска од Велес. Администрација е мета на постојани критики, притисоци и партиски реваншизам од страна на власта. Но во суштина нејзината ефикасност зависи пред се од степенот на способност на менаџерите од институциите, наведува Мицкоски во честитката по повод 1 Мај.
Претседателот на ВМРО-ДПМНЕ нагласува дека работниците мора да почувствуваат сигурност и заштита, бидејќи заслужуваат подобро.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња