Месиќ: На Балканот живееме во атмосфера на продолжена студена војна
На политичката сцена на Балканот ништо не се промени и ние живееме во атмосфера на продолжена студена војна, изјави во Приштина поранешниот хрватски претседател Стипе Месиќ.
- Можам да оценам дека на политичката сцена на Балканот ништо не се промени во позитивна смисла. Живееме во атмосфера на продолжена студена војна, додека Европа тоне во вртлогот на популизмот, изјави Месиќ во обраќањето на дводневната Конференција за култура и мир на Западниот Балкан, што започна вчера во Приштина.
Воведно излагање на Конференцијата имаше претседателот на Светската федерација на мирот, Томас Волш. а покрај Месиќ на собирот учествуваат и поранешните претседатели на Албанија и на Косово, Алфред Моисиу и Фатмир Сејдиу, како и пратеникот во косовското Собрание, Слобдан Петровиќ.
Месиќ синоќа во Приштина се сретна со косовскиот премиер Рамуш Харадинај, кој, како што јави Танјуг, му се заблагодарил за „силната поддршка што им ја дал на Косово и косовскиот народ во сите фази - од мировното движење во 90-те години на минатиот век, преку ослободителната војна и патот на земјата кон независност, па се до денес“.
- Примерот на патот на Хрватска кон членство во ЕУ и НАТО е добар пример, на кој треба да се потпре Косово во својата евроаталантска агенда, истакнал Харадинај на средбата.
Месиќ му честитал на својот соговорник за изборот за премиер и му посакал најдобри желби на евроталанскиот пат, додавајќи дека „политичките функции се минливи, но оти неговото пријателство со Рамуш Харадинај и народот на Косово ќе бидат вечни“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово