Меркел: ЕУ треба да склучи спогодба за мигрантите и со aфриканските земји, како онаа со Турција
Германската канцеларка Ангела Меркел изјави дека Европската Унија мора да склучи спогодба за мигрантите и со африканските држави, како што се Египет и Тунис, на идентичен начин како што тоа го стори со Турција, јави „Ал Џазира“.
Меркел изјави дека мора да се издвојат повеќе пари за успешно соочување со основните причини за миграцијата, и додаде дека е исклучително важно „да се спречи повторување на ситуацијата од минатото лето“, кога бегајќи пред војната и сиромаштијата стотици илјади луѓе од земјите на Блискиот исток ја обележаа најголемата европска бегалска криза по Втората светска војна.
- Важно е на африканските држави да им понудиме перспектива за иднината. Или мораме да ги пуштиме луѓето да дојдат овде или мораме да се соочиме со основните причини за миграцијата, за луѓето да сфатат дека со останувањето во своите домови имаат некоја перспектива, рече Меркел.
Таа не изнесе конкретни детали за потенцијалната спогодба меѓу ЕУ и африканските земји, кои, за разлика од Турција, не се кандиди за членство во Унијата.
За потребата од склучување спогодба со африканските земји последен пат се зборуваше на самитот Г20 во Кина.
По изборниот пораз во Берлин, Меркел призна дека направила грешки кај некои одлуки донесени во текот на бегалската криза.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање