Меркел: ЕУ и Турција треба да го почитуваат договорот за мигрантите
ЕУ и Турција треба да ги почитуваат меѓусебните обврски кои произлегуваат од договорот за запирање на мигрантскиот прилив, изјави германската канцеларка Ангела Меркел во обид да ги намали тензиите кои настанаа по усвојувањето на резолуцијата на Европскиот парламентм со која се бара замрзнување на преговорите за членство на Анкара во Унијата.
Европарламентот во четвртокот ја усвои резолуцијата за замрзнување на преговорите зе членство на Турција во ЕУ, во знак на протест поради чистките во земјата, по неуспешниот обид за преврат.
Во одговор на резолуцијата, турскиот претседател Реџеп Тајип Ердоган вчера се закани дека ќе ги отвори границите кон ЕУ за мигрантите, кои со договорот со Унијата, Турција се обврза да ги задржи на своја територија во замена за забрзување на преговорите за членство во ЕУ, визна либерализација за Турците и финансиска помош.
- Договорот со Турција за бегалците, според мене, е од взаемен интерес за двете страни. Затоа ние како Европејци треба да ги почитуваме нашите обврски, а и Турција треба да го прави истото, истакна Меркел.
На прашањето дали постои „план Б“ во случај да пропадне договорот за бегалците меѓу ЕУ и Турција, Меркел наведе дека Унијата засега нема нешто такво.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка