Меркел денеска во Тирана на состанок со лидерите од Западен Балкан
– Германската канцеларка Ангела Меркел ќе ја продолжи својата посета на Западен Балкан денеска во Тирана, каде што ќе има билатерална средба со албанскиот премиер Еди Рама, со кого ќе разговара за билатерални и економски прашања, како и за приближувањето на земјата кон Европска унија.
Канцеларката ќе присуствува потоа на ручек со премиерите на сите земји од Западен Балкан, на кој главна тема ќе биде регионалната соработка, по што ќе следи прес -конференција.
Пред враќањето во Берлин, Ангела Меркел ќе има билатерални средби со шефовите на владите на Босна и Херцеговина, Црна Гора, Северна Македонија и Косово, соопшти германската амбасада во Тирана.
Советот на министри на Босна и Херцеговина објави дека на состанокот на Ангела Меркел со лидерите на Западен Балкан ќе присуствува претседавачот Зоран Тегелтија, кој потоа ќе има билатерална средба со германската канцеларка.
Кабинетот на премиерот на Црна Гора објави дека Здравко Кривокапиќ ќе отпатува за средба во Тирана.
„Темата на заедничкиот состанок со лидерите на земјите од Западен Балкан ќе биде регионалната соработка и нејзиното подобрување“, се вели во соопштението.
Германската канцеларка вчера беше во посета на Србија.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок