Спорт плус
7. July 2015 - 13:04

Мејведер остана без титулата во ВБО?!

Американскиот боксер Флојд Мејведер јуниор остана без шампионскиот појас во верзијата WBO кој го освои пред два месеци по победата над Мани Пакјао.
 
Појасот на Мејведер му е одземен бидејќи не платил такса, која е обврзувачка со правилата на WBO, а која се однесува на боксерите кои во ист момент се шампиони во повеќе верзии.
 
За да му биде официјализирана титулата Мејведер требало да уплати 200.000 долари. Инаку оваа сума преставува само 0,1 отсто од она што Мејведер го заработи од победата над Пакјао.
 
WBO соопшти дека спротивно на правилата е боксерите да имаат титули во повеќе тежински категории и дека Мејведер треба да одбере од која титула ќе се откаже. Мејведер, кој е најплатениот боксер во историјата на овој спорт, до петок треба да се произнесе каков е неговиот став.
 
„Комитетот на WBO нема алтернатива мора да престане да го признава Флојд Мејведер како WBO шампион во велтер категорија и да му ја одземе титулата поради непочитувањето на правилата на WBO“, се вели во соопштението.
 
Флојд Мејведер само од борбата со Мани Пакјао заработи 200 милиони долари.