Медицинскиот персонал во Франција пријави несакани ефекти од вакцините АстраЗенека
Француската Национална агенција за безбедност на лекови и здравствени производи тврди дека регистрирала 149 случаи на несакани ефекти кај медицински персонал вакациниран со АстраЗенека, во кои се споменуваат „симптоми слични на грип, кои често се многу интензивни“ кај луѓе на просечна возраст од 34 години, јави дописникот на МИА.
Кампањата за имунизација на сите здравствени работници на возраст под 65 години почна на 6 февруари, со третата вакцина против Ковид-19 дозволена на територијата на Франција, со вакцината на АстраЗенека. Здравствените работници кои ја примиле вакцината АстраЗернека се пожалиле на треска, замор и главоболка, што кај некои траеле и до 24 часа.
Француската Национална агенција за безбедност на лекови и здравствени производи истакнува дека не постои загриженост за неисправната природа на одредени серии вакцини.
– Серијата вакцини АстраЗенека што се користи од 6 февруари 2021 година е предмет на строга контрола на нејзиниот фармацевтски квалитет. Оваа серија се користи во уште 21 земја во Европската унија. Досега не се пријавени такви случаи, се наведува во соопштението.
Агенцијата ги објави и најновите податоци за фармакопретпазливост за вакцината на Фајзер и БиоНтек. По вакцинирањето со неа регистрирани се 2.140 случаи на несакани реакции од почетокот на имунизацијата на 27 декември. Еден од несаканите ефекти беше зголемен крвниот притисок веднаш по вакцинирањето.
Додека по примање на вакцината на Модерна пријавени се 40 случаи на нус појави.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка