Матис: САД силно го поддржуваат НАТО

НАТО останува здрава основа за поврзаноста на САД со Европа, а претседателот Доналд Трамп изрази силна поддршка за Алијансата, изјави во Брисел американскиот министер за одбрана Џејмс Матис.

Тој нагласи дека НАТО секогаш се менувал според состојбите и изрази увереност дека тоа ќе се случи и сега, посебно по настаните од 2014 година, кои ги оцени како „отрезнувачки“.

Матис очекува дека темпото на промената ќе се подобри.

Генералниот секретар на НАТО, Јенс Столтенберг истакна дека Матис ја познава Алијансата многу добро.

- Исправени сме пред најтешките предизвици за цело поколение, додал Столтенберг.