Макмастер: Србите во 1999 година знаеја за мерките на НАТО
Новиот советник за национална безбедност на американскиот претседател Доналд Трамп, Херберт Рејмонд Макмастер тврди дека поранешниот претседател на некогашна СР Југославија, Слободан Милошевиќ ги предвидел чекорите на Алијансата во 1999 година, благодарение на своите шпиони во НАТО, јави белградското радио Б-92.
Макмастер во минатото се занимавал со анализи во војната во Босна и Херцеговина и на бомбардирањето на НАТО на Југославија.
- Милошевиќ ја распореди војската на границата со Косово, само неколку недели пред почетокот на нападите. Таа војска по почетокот на бомбардирањето ги исфрли Албанците на улиците, им ги зеде документите, им ги запали куќите и ги протера кон Македонија и Албанија. НАТО не го очекуваше тоа. Бомбардирањето го забрза етничкото чистење, наместо да го запре, рече Макмастер, според кој Белград знаел за чекорите на Алијансата од своите шпиони.
- Србите евакуираа објекти, кои биле на листата цели. Верувам дека Југославија имаше шпиони во редовите на НАТО, а информаторите, кои беа во близина до базата Авиано во Италија соопштуваа кога авионите полетуваат. Поради сето тоа акцијата на НАТО беше неуспешна, за 78 дена беа уништени помалку од пет проценти од борбените системи на Југославија, а размерите на неуспехот станаа видливи едвај по завршувањето на акцијата, посочува Макмастер.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари