-->
-->
Македонија против Србија за пласман во следната рунда на ЕП
-->
Македонската машка ракометна репрезентација попладнево против Србија ќе го игра решавачкиот меч од А групата на Европскиот шампионат што се одржува во Полска.
По двата порази, кои ги претрпеа во првите два меча од Франција и Полска, двете селекции се пред императив да се победи противникот и да се обезбеди третото место во оваа група, а со тоа и пласман во следната, главна фаза на првенството.
За разлика од Србите, на кои само победа им е опција за ракометарите на Македоноија во предвид доаѓа и нерешен резултат, тоа поради подобрата гол разлика во однос на противникот.
За овој меч селекторот на Македонија, Ивица Обрван направи и една измена во тимот, во кој се враќа Жарко Пешевски откако Никола Маркоски во неделата се повреди на натпреварот против Полска. Пешевски токму за мечот со домаќинот беше заменет од Филип Лазаров.
Уште пред заминувањето за Полска, во таборот на црвено-жолтите се очекуваше токму дуелот против Србија да биде решавачки за пласман во следната рунда.
Тоа уште еднаш го повтори и капитенот Кирил Лазаров кој прододаде дека искуството кое го имаат акомулирано неговите соиграчи треба да се искористи.
- Србија се покажа во светло издание на првенството, со голема борбеност. За разлика од нив, ние сме многу поискусни. Тоа е нашата голема шанса за пласман понатаму, изјави капитенот Лазаров.
Мечот, Македонија – Србија ќе се игра со почеток од 18 часот и 15 минути, а во вториот меч од А групата за првото место ќе се борат Франција и Полска.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација