Македонија домаќин на ЕП во планинско трчање
Македонија и натаму посакувана спортска дестинација откако нашата земја ја доби организацијата на Европското првенство во планинско трчање во сениорска и јуниорска конкуренција.
Организацијата на овој шампионат му е доделена на градот Скопје и ќе се одржи на 1. Јули на Средно водно.
Сениорите и јуниорите ќе трчаат во екипна конкуренција и поединечно на машка и женска трка.
Од Агенцијата за Млади и Спорт
и атлетската федерација на Македонија истакнуваат дека е обврска и голема одговорност да се организира добро првенство со што би се трасирал патот за добивање на организација на Европското првенство во екипна конкуренција во 2019-тата година.
Претседателот на атлетската федерација Крсто Серафимовски смета дека Македонија ќе има голем бенефит од оваа манифестација како омасовување на атлетскиот спорт, посебно на планинското трчање и претставување на убавините и можностите кои ги поседува планината Водно, и секако промоција на Скопје и републиката.
Се очекува настап на атлетичари од 28 земји кои ќе бидат претставени на дефиле на 30-ти јуни на плоштадот Македонија.
-
Зоран Николовски
Сите содржини од овој новинар