Мајк Пенс се повлече од трката за претседател на САД

Поранешниот американски потпретседател Мајк Пенс се повлече од претседателските избори во САД во 2024 година.

Пенс, кој беше потпретседател за време на Доналд Трамп, за време на Конференцијата на републиканската еврејска коалиција во Лас Вегас, Невада рече дека „му станало јасно оти ова не е негово време“, додавајќи дека одлуката дошла по „многу молитва и размислување.

Поранешниот републикански кандидат заостануваше многу зад претходниот претседател, како и сегашниот гувернер на Флорида Рон Де Сантис и поранешната претставничка на САД во ОН Ники Хејли.

Пенс е првиот познат републикански кандидат кој се откажа од трката, ставајќи крај на конкуренцијата кон неговиот поранешен шеф, пренесе ДПА.

Поранешниот потпретседател со години беше лојален придружник на Трамп. Но, во превирањата по претседателските избори во 2020 година, односите меѓу нив двајца беа трајно нарушени.

Пенс вчера рече дека ги повикува сите негови колеги републиканци да направат некој фаворит кој не само што ќе ја води партијата до победа, туку и ќе ја води нацијата со пристојност.

Тој не даде официјална препорака за ниту еден од останатите републикански кандидати.

Сите американски партии го избираат својот кандидат на внатрешни прелиминарни избори што започнуваат во средината на јануари во државата Ајова.

Кај демократите, американскиот претседател Џо Бајден бара реизбор и се очекува да ја добие номинацијата. Како актуелен претседател, тој засега има мала сериозна конкуренција во неговата партија.

Следните претседателски избори во САД треба да се одржат на 5 ноември 2024 година.