Loading Video...
Фудбал
14. July 2020 - 19:57
ЛШ: Селтик, Звезда...можни противници на Силекс во првото коло
Фудбалерите на Силекс се подготвуваат за новиот европски предизвик и тоа во Лигата на шампионите. Македонскиот вицешампион го очекува името на противникот за првото квалификациско коло кое ќе биде познато на 9-ти вагуст.
Екипата на Силекс по четиригодишна пауза повторно ќе се претстави на меѓународната фудбалска сцена и тоа во Лигата на шампионите. Она што ги притиска во овие моменти кратовци секако е името на евентуалниот противник кое може да биде доста звучно но и примамливо бидејќи на листата се екипи од поранешните Ју простори.
Секако најголем предизвик е шкотскиот гигант Селтик, клуб со големо искуство во европските купови. Како силни и доста незгодни противници се првакот на Израел Макаби, потоа Астана од Казахстан, унгарскиот Ференцварош , Слован Братислава од Словачка и полската Легија . Големо внимание секако би привлекла пресметка со балканските претставници меѓу кои поранешниот европски првак Црвена Звезда, потоа бугарскиот Лудогорец, Сараево или Олимпија Љубљана. Има тука и полесни противници како Ирскиот Дандалк, Судува од Литванија, Шериф Тираспол од Молдавија и норвешкиот Молде.
Извлекувањето е на 9-ти август а новина е што поради пандемијата ќе се игра само по еден натпревар во првата квалификациска рунда каде се вкупно 34 екипи.
Термините се 18-ти и 19-ти август.
-
Зоран Николовски
Сите содржини од овој новинар
-->
-->