Лондон ја обвинува руската разузнавачка служба за кибер-напади во светот
Британскиот министер за надворешни работи Џереми Хант ја обвини руската воена разузнавачка служба (ГРУ) дека извршила низа кибер-напади врз политички и спортски институции, компании и медиуми во светот.
– Таквото однесување ја покажува нивната желба да дејствуваат непочитувајќи го меѓународното право и без размислување за последиците како никогаш да нема да бидат казнети, изјави Хант.
– Нашата порака е јасна. Ние и нашите сојузници ќе откриеме и ќе одговориме на обидите на ГРУ да ја наруши меѓународната стабилност.
Според МНР, Британскиот национален центар за кибер-безбедност открил дека ГРУ стојат зад најновите кибер-напади во светот.
– Тие напади погодија државјани на многу земји, меѓу кои и Русија, и тоа ги чинеше државите милиони фунти, додаде тој.
Меѓу нападите е и оној врз американската Демократска партија што беше увод во скандалот за руското мешање во американската претседателска кампања во 2016 година, за кој Вашингтон веќе ја обвини ГРУ.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море