Лојд: Доминацијата на Ѓоковиќ дело на Бекер

Според Џон Лојд , поранешен финалист на Австралија Опен доминацијата на Новак Ѓоковиќ во светскиот тенис е последица на соработката со Борис Бекер.

Работата е што Ѓоковиќ е ментално силен и смета дека не може да биде поразен, изјави Лојд за тенисерот кој освои 4 од последните 5 Грен слем турнири и вкупно 11 во кариерата.

Бекер ја започна соработката со српскиот тенисер во 2013 година. Следната го освои Вимблдон а вистинска доминација дојде во 2015 година.

Според Лојд големи проблеми со Ѓоковиќ има дури и Роже Федерер кој не може да одигра против него меч во 5 сета.

„Тоа не му се гледа на лицето но сигурно го мачи немоќта против Ѓоковиќ“ смета Британецот.