Лидерот на Слободарската партија прогласен за виновен за дискриминација и поттикнување омраза
Лидерот на Слободарската партија и пратеник во холандскиот Парламент Герт Вилдерс денеска пред судот е прогласен за виновен за дискриминација и поттикнување омраза против Мароканци, но казна не му е изречена.
Судот наведе дека неговите антиисламски коментари се неприфатливи, а претседавачот Хендрик Стенхуис изјави дека казната нема да биде изречена бидејќи тоа што е прогласен за виновен е „доволна казна за демократски избраниот пратеник“.
Вилдерс не присуствуваше на изрекувањето на пресудата, а претходно судскиот процес го нарече „политички мотивирана шарада“.
Набрзо после пресудата Вилдерс на Твитер напиша: без оглед на пресудата, ќе продолжам да ја зборувам вистината за мароканскиот проблем и во тоа нема да ме запре ниту еден судија, политичар или терорист.
Тој на еден партиски собир во 2014 година порача дека ќе се погрижи да има помалку Мароканци во неговата земја.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца